മലപ്പുറത്തെ നിറഞ്ഞു കവിഞ്ഞ ഒരു സെവന്‍സ് ഫുട്ബോള്‍ ഗ്യാലറിയില്‍ ഇരിക്കുന്ന അനുഭവ മായിരുന്നു ഇന്ന് രതി നിര്‍വേദം കാണാന്‍ കോഴിക്കോട് കൈരളിയില്‍ ഇരിക്കുമ്പോള്‍ .കളി തുടങ്ങി പത്തു മിനിട്ട്
കഴിയുമ്പോള്‍ ഇറങ്ങുന്ന ഐ എം വിജയനെയും ജോ പോള്‍ അഞ്ചേരിയേയുമൊക്കെ കാണുമ്പോള്‍ ഉള്ള ആരവമായിരുന്നു ശ്വേതയെ കാണിക്കുമ്പോള്‍ ,പപ്പുവിന്റെ ചിന്തകള്‍ പായുമ്പോള്‍ പന്തുമായി ഗോള്‍ പോസ്റ്റിലേക്ക് മുന്നേറുന്ന കളിക്കാരന് കിട്ടുന്ന പ്രോത്സാഹനം ,ഉച്ച മയക്കത്തില്‍ കട്ടിലില്‍ കിടക്കുന്ന രതി ചേച്ചിയുടെ അടുത്തേക്ക്
പപ്പു ചെല്ലുമ്പോള്‍ ഒരു പെനാല്‍റ്റി കിക്കെടുക്കുമ്പോഴുണ്ടാകുന്ന ആകാംക്ഷയും ആവേശവും.32 വര്‍ഷങ്ങക്കുശേഷം മാറ്റമില്ലാത്ത തിരക്കഥയില്‍ സാങ്കേതികമായ മികവുകളോടെ രതി നിര്‍വേദം എത്തുമ്പോള്‍ കാണികളുടെ കാഴ്ച്ച പാടുകളിലെ വൈവിധ്യം വളരെ ശ്രദ്ധേയമാണ് .ആര്‍ത്തു വിളിക്കുന്നവരെയും ക്യാമറ കണ്ണുകളെ ഭയന്ന് മുഖം മറച്ചു തിയേറ്ററില്‍ നിന്നിറങ്ങി പോകുന്നവരെയും "അമ്മെ ഞാന്‍ സിനിമ കണ്ടോടിരിക്കാ...രതിനിര്‍വേദം വരാന്‍ കുറച്ചു വൈകും ''എന്ന് ഫോണില്‍ പറയുന്നവരെയും ഇന്ന് തിയേറ്ററില്‍ കണ്ടു.എങ്കിലും 80 ശതമാനം പേരും ഈ 3 ജി കാലത്ത് ഷക്കീല യുഗത്തിന്റെ ഓര്‍മകളില്‍ നനഞ്ഞു മഴയും കൊണ്ടെത്തിയതാനെന്നതു എന്ത് കൊണ്ടോ ഒരു അത്ഭുതമാകുന്നില്ല .
